19/2

今天早上，訓得非常唔好，個人整天都好似未訓醒咁。

今日中崇報告時，出了一個大笑話，就係我唔記得左蕭先生係祝福，而我報告時竟然講左主禱文，真係十個無奈！之後即刻同蕭先生道歉，佢話其實如果統一些，全部主禱文，對參加者會好d，因為他說參加者唔太明白何時祝福，何時主禱文。

之後十級憤怒，我都有問過劉生，是否是我的問題，平常中崇，大家弟兄姊妹都會願意去分工，領詩小組彈完，就會勞煩總務們收拾台上的事宜，或由達達/阿傑/阿虫等不用帶組的司他們收拾台上的音響。今天，已經十分無奈，開開下組無啦啦比弟兄B開咪叫左上台收拾，話打擾佢地開組，咁好啦，我十分無奈地叫組員們等一下，我上台收拾，上到台，見到另外一位弟兄A，我就十分唔明白為何不找弟兄A收拾，弟兄A也是司他，為何硬係要我上去，咁我十分禮貌地拜托了那弟兄A替我收拾，因為我要開組，弟兄A明白並說無問題，那麼我便和弟兄B講弟兄A會收拾的了，我趕住落去開組，當我落台時，比姊妹C用一種極端無禮貌，瞪眉突眼的態度話我唔收拾，阻住佢地開組！個一刻我真係怒從心起！第一，平時都是分工，總務收拾，今天找我渣作甚？第二，我partner不在，得我一個組長，我行開左我個組就無人理了，我都有難處掛？！第三，都可以拜託下台上組的組員們幫幫手收拾快些，咪可以更快開組囉！第四，有人情味d，你地有兩個組長，一位幫幫忙收拾場地，一位開住組先，都得掛？我無端端受左姊妹C的氣，好似個小學生咁比老師鬧，我都被影響左情緒的，完全影響左我開組狀態，咁又可以點計先？我某位朋友上星期也和我同一遭遇，他也說他那一刻很不開心。唉，今日神教導我們要學習忍耐寬恕，就即刻比左咁大份功課我，唉...我有交功課的，我當時已經啞子吃黃蓮左，之後我知道左我比人周圍唱衰我，我都忍左及算了，神呀，我都算係咁啦掛？好彩劉生都明白我的情況，他也說不是我的問題，心裡都感到少少安慰。

但今天蕭先生的講道很發人心醒，是神給我們一份很好的功課。感謝神。